Магчымасцю задаць свае пытанні спікеру Парламента скарысталіся жыхары Оршы, Мінска, Глыбоцкага і Докшыцкага раёнаў.
Сярод асноўных тэм зваротаў: набыццё арэнднага жылля, яго рыначны і ацэначны кошт; урэгуляванне жыллёвых адносін; газіфікацыя жылля з улікам таго, што адзін з уласнікаў знаходзіцца за мяжой; пакрыццё рамонтных работ у выдзеленым сіраце сацыяльным жыллё; выданне біяграфічнага слоўніка і іншыя.
  Як падкрэсліў Уладзімір Андрэйчанка, практычна ўсе гэтыя тэмы агучваюцца ў час правядзення прыёмаў грамадзян. Людзі звяртаюцца да прадстаўнікоў улады, ведаючы, што іх пачуюць. У большасці выпадкаў усе пытанні знаходзяць вырашэнне як на мясцовым узроўні, так і з прыцягненнем кампетэнтных службаў абласнога і рэспубліканскага значэння.