02.09.2020

У Докшыцкім раёне прайшла дабрачынная акцыя ФПБ «Прафсаюзы - дзецям»

У рамках традыцыйнай дабрачыннай акцыі ФПБ «Прафсаюзы - дзецям» старшыня раённага аб'яднання прафсаюзаў Ядвіга Шульгат і старшыня РК прафсаюза работнікаў АПК Васіль Васюковіч наведалі Янкоўскі сацыяльна-педагагічны цэнтр.

Канцылярскія тавары, патрэбныя падчас навучання, падарылі госці цяперашнім жыхарам СПЦ. Гэта два браты з Порплішча. Маленькі Коля пойдзе ў другі клас. Ён вельмі любіць маляваць і ляпіць з пластыліну, а таму вельмі ўзрадаваўся падарункам, сярод якіх былі і пэндзлi, і фарбы. Васьмікласнік Максім таксама падзякаваў за вучнёўскія прыналежнасці і сказаў, што вельмі сумуе па сваіх школьных сябрах, а таму з нецярпеннем чакае першага верасня.

- Дадзеная дабрачынная акцыя праходзіць па ўсёй краіне кожны год, - кажа Ядвіга Іосіфаўна. - З прафсаюзных сродкаў аказваецца матэрыяльная дапамога шматдзетным сем'ям у падрыхтоўцы дзяцей да новага навучальнага года. Таксама наведваюцца інтэрнацкія ўстановы.

Яўгенiя Малевіч.

Фота аўтара.

Крыніца: http://www.dokshitsy.by/2020/09/akciya-fpb/