23.08.2023

У Докшыцкім раёне прайшоў Дзень Порплішчанскага сельсавета

Прыём грамадзян правялі старшыня райвыканкама Кавалёнак Алег Анатольевіч, старшыня раённага Савета дэпутатаў Рандарэвіч Валянціна Юр'еўна, намеснікі старшыні райвыканкама, дэпутат абласнога Савета дэпутатаў Сіўко Анатоль Віктаравіч.

У ходзе Дня сельсавета разгледжаны пытанні жыццядзейнасці насельніцтва Порплішчанскага сельсавета: выкананне эпідэміялагічнага, зямельнага, праваахоўнага заканадаўства, навядзенне парадку на зямлі, пытанні правапарушэнняў і пажарнай бяспекі, гандлёвае абслугоўванне насельніцтва, вулічнае асвятленне, рамонт дарог, утрыманне сабак.

Словы падзякі ад насельніцтва паступілі ў адрас медыцынскіх работнікаў Парплішчанскай урачэбнай амбулаторыі, сацыяльных і паштовых работнікаў.