Абаронча-спартыўны лагер "Спартанцы" з кругласутачным знаходжаннем навучэнцаў 10 класаў устаноў агульнай сярэдняй адукацыі Докшыцкага раёна адкрыўся сёння на базе кругласутачнага аздараўленчага лагера "Бярозка".

Арганізацыя дадзенага лагера - альтэрнатыва вучэбна-палявым зборам, якія праводзяцца для дзесяцікласнікаў у кожнай асобнай школе. Хлапчукі будуць займацца страявой, агнявой, тактычнай і іншымі відамі падрыхтоўкі да воінскай службы. Усяго ў рамках летняй аздараўленчай кампаніі адпачнуць 720 школьнікаў раёна. Начальнік лагера - кіраўнік па ваенна-патрыятычным выхаванні Крулеўшчынскай школы Уладзімір Піскуновіч. Разам з ім будуць працаваць педагогі раёна.

Павітаць хлопцаў прыехалі намеснік старшыні райвыканкама Аксана Палачаніна, начальнік аддзела па адукацыі Дзмітрый Партанка, старшыня Бярозкаўскага сельскага Савета дэпутатаў Таццяна Славікоўская, прадстаўнікі сілавых структур. Першыя заняткі з курсантамі правёў ваенкам раёна Віталь Ляснічэнка.