20.09.2024

У Докшыцкім раёне Віцебская абласная арганізацыя прафсаюза работнікаў дзяржустаноў правяла цыкл мерапрыемстваў, прысвечаных Дню народнага адзінства "У адзінстве наша сіла"

18 верасня 2024 года ў Докшыцкім раёне Віцебская абласная арганізацыя Прафсаюза работнікаў дзяржустаноў правяла цыкл мерапрыемстваў, прысвечаных Дню народнага адзінства "У адзінстве наша сіла": наведванне Бягомльскага музея народнай славы, мемарыяльнага комплексу "Шунеўка", прагляд тэатралізаванай рэканструкцыі "Памятаеце, людзі".

У гэты ж дзень у кінаканцэртнай зале "Іскра" прайшоў выязны Прэзідыум галіновага прафсаюза з удзелам старшыні Рэспубліканскага камітэта Беларускага Прафсаюза работнікаў дзяржустаноў Сяргея Патапенкі, навучальны семінар для новых старшыняў, намеснікаў старшыняў, казначэеў раённых арганізацый па пытаннях аховы працы, фінансавай прафсаюзнай дысцыпліны, арганізацыйнай і інфармацыйнай работы.

Гэтак жа Сяргей Патапенка ўручыў Ганаровую грамату БРК за сацыяльнае партнёрства Валянціне Рандарэвіч, старшыні раённага Савета дэпутатаў, і пасведчанні зноў абранаму старшыні Докшыцкай раённай прафсаюзнай арганізацыі і намесніку старшыні.

Насычаная праграма чакала ўдзельнікаў семінара ў этнасядзібе "Вецера". Прафактывісты заклалі "Алею адзінства", пазнаёміліся з традыцыямі і абрадамі Докшыцкага краю.

Госці наведалі майстэрню "Металічнае сэрца горада" докшыцкага каваля Уладзіміра Шуткіна. У ёй сабрана нямала рэдкіх рэчаў.

Старшыня Рэспубліканскага камітэта галіновага прафсаюза Сяргей Патапенка падзякаваў за арганізацыю і правядзенне мерапрыемства кіраўніцтву і прафактыву галіновага Прафсаюза Віцебшчыны і пажадаў новых дасягненняў і дзейснай прафсаюзнай дзейнасці на карысць Чалавека працы.