20.08.2024

У раёне прайшоў Дзень Крулеўшчынскага сельсавета

У Докшыцкім раёне прайшоў дзень Крулеўшчынскага сельсавета пад кіраўніцтвам старшыні раённага Савета дэпутатаў Валянціны Рандарэвіч.

Старшыня райвыканкама Сяргей Абірала правёў прыём грамадзян па асабістых пытаннях у аграгарадку, а ў Літоўцах з жыхарамі вёскі сустрэлася Валянціна Рандарэвіч.

Пытанні, якія паступілі падчас правядзення прыёмаў грамадзян у населеных пунктах сельсавета: асфальтаванне дарогі, добраўпарадкаванне дзіцячай гульнявой пляцоўкі ў двары шматкватэрнага дома, асартымент тавараў у аўтакраме, пытанні жыллёва-камунальнага характару.

Валянціна Юр'еўна звярнула ўвагу старшынь сельскіх Саветаў дэпутатаў на рэалізацыю Указа Прэзідэнта Рэспублікі Беларусь № 116 ад 24 сакавіка 2021 г. "Аб адчужэнні жылых дамоў у сельскай мясцовасці і ўдасканаленні работы з пустымі дамамі" і актывізацыю работы па зносе пустуючых дамоў.