24.07.2026

Урачыстае мерапрыемства, прымеркаванае да Дня пажарнай службы

З надыходзячым святам калег і ветэранаў службы павіншаваў начальнік Докшыцкага РАНС Уладзімір Плашчанка.
Да віншаванняў далучылася старшыня раённай Рады дэпутатаў Валянціна Рандарэвіч.
- Дзякуй вам за самаадданую працу, за гатоўнасць прыйсці на дапамогу ў патрэбную хвіліну. Асаблівая падзяка ветэранам службы, старэйшаму пакаленню, якое прадаўжае працаваць. Вы валодаеце досведам і мудрасцю. Не толькі ведаеце, як тушыць пажары, але і як правільна правесці прафілактычную работу, каб у нас у раёне надзвычайных сітуацый было менш.
Адным з урачыстых момантаў стала ўручэнне ўзнагарод раённага і абласнога ўзроўняў лепшым працаўнікам пажарнага ведамства.
У праграме таксама былі прадстаўлены паказальныя выступленні па ліквідацыі наступстваў ДТЗ і выратаванні людзей на вадзе. Для дзяцей працавалі інтэрактыўныя пляцоўкі і выстава аварыйна-выратавальнай тэхнікі.