02.09.2024

Урачыстыя мерапрыемствы, прысвечаныя Дню ведаў, прайшлі ва ўсіх школах Докшыцкага раёна

З 1 верасня ў раёне будуць функцыянаваць 26 устаноў адукацыі, з іх 11 устаноў агульнай сярэдняй адукацыі. За парты сядуць 2051 навучэнец, сярод іх - 182 першакласнікі.

На святочных мерапрыемствах, прысутнічалі ганаровыя госці: старшыня Докшыцкага райвыканкама Сяргей Абірала, старшыня раённага Савета дэпутатаў Валянцiна Рандарэвіч, намеснікі старшыні Докшыцкага райвыканкама, дэпутат Віцебскага абласнога Савета дэпутатаў, дырэктар РУП ЖКГ "Докшыцы-камунальнік" Дзмітрый Каляга, старшыні сельскіх Саветаў дэпутатаў, начальнікі аддзелаў Докшыцкага райвыканкама, кіраўнікі арганізацый, святары, прадстаўнікі грамадскіх аб'яднанняў раёна.

Дэпутацкі корпус раёна прыняў таксама актыўны ўдзел ва ўрачыстых мерапрыемствах і наведаў першы ўрок, лейтматывам якога сталі словы "Нам ёсць чым ганарыцца, нам ёсць што берагчы!".

Падзяліць свята першага званка ў дзяржаўнай установе адукацыі "Бярозкаўская базавая школа Докшыцкага раёна" прыехалі генеральны дырэктар рэспубліканскага ўнітарнага прадпрыемства па аказанні паслуг "БелЮрЗабеспячэнне" Валерый Дашкоўскі, ягоны памочнік Сяргей Васюкевіч. Госці павіншавалі школьнікаў і педагогаў з пачаткам навучальнага года, уручылі падарункі і пажадалі новых дасягненняў, поспехаў у вучобе і творчасці.