29.07.2025

У вёсцы Вецяры прайшло мерапрыемства, прысвечанае адкрыццю мадэрнізаванага вадаправода. Работы выканаў філіял "Докшыцыводаканал"

Кошт аб'екта па каштарысе склаў 360 тысяч рублёў.

Павіншаваць з гэтай падзеяй жыхароў вёскі прыехалі старшыня райвыканкама Сяргей Абірала, старшыня раённага Савета дэпутатаў Валянціна Рандарэвіч, дэпутат Віцебскага абласнога Савета дэпутатаў па Падсвільскай выбарчай акрузе Віктар Мірош.

Сяргей Абірала:

- Мадэрнізацыя ў Вецяры праведзена дзякуючы зваротам грамадзян да дэпутатаў, да органаў мясцовай улады. Пры падтрымцы кіраўніцтва "Віцебскводаканал" было прынята рашэнне пабудаваць аб'ект у аптымальныя тэрміны. У гэтага населенага пункта сёння ёсць будучыня, ёсць перспектывы, таму ў наступным годзе, магчыма, тут будзе зроблена яшчэ і дарога.

Віктар Мірош:

- Прыемна, што ёсць паразуменне паміж раённай уладай і эксплуатуючымі арганізацыямі. Не сакрэт, што праца вяскоўцаў не лёгкая, таму для іх так важна ствараць камфортныя ўмовы для жыцця.

t.me/PRO_Dokshitsy