11.04.2025

У Докшыцах ушанавалі памяць вязняў фашысцкіх канцлагераў

Удзельнікамі мітынгу, які адбыўся ля помніка каля гарадскога стадыёна, сталі начальнік аддзела ідэалагічнай работы і па справах моладзі райвыканкама Наталля Фурсевіч, першы сакратар раённай арганізацыі ГА "БРСМ" Павел Латковіч, настаўнікі і вучні СШ № 2 г. Докшыцы ім. У. Ф. Крышталевіч.

Пра жудасныя факты і трагічныя падзеі ў лагерах смерці распавяла настаўніца гісторыі Ала Хацяновіч. Пасля традыцыйнай хвіліны маўчання ўдзельнікі мерапрыемства ўсклалі да абеліска кветкі. За гады Другой сусветнай вайны праз лагеры смерці прайшлі больш за 20 мільёнаў чалавек з 30 краін свету, з іх 5 мільёнаў — грамадзяне Савецкага Саюза. Прыкладна 12 мільёнаў чалавек так і не дажылі да вызвалення, сярод іх — каля 2 мільёнаў дзяцей. Толькі ў Бухенвальдзе было знішчана звыш 56 тысяч чалавек 18 нацыянальнасцяў, у тым ліку 19 тысяч савецкіх ваеннапалонных.