06.10.2025

У Докшыцах у ККЗ "Іскра" адбылося святочнае мерапрыемства, прысвечанае Дню настаўніка

Ва ўшанаванні педагогаў і ветэранаў педагагічнай працы прынялі ўдзел намеснікі старшыні райвыканкама Аксана Палачаніна і Сяргей Карчэўскі, начальнік аддзела па адукацыі райвыканкама Алена Кучыц.

У сваім выступленні Аксана Палачаніна падзякавала віноўнікам урачыстасці за працу і пажадала ім поспехаў у прафесійнай дзейнасці і асабістага шчасця.

Лепшыя работнікі сферы адукацыі раёна ўзнагароджаны граматамі і падзякамі.

Праведзена ўрачыстая цырымонія ўручэння ўзнагароды "Прызнанне-2025", пераможца кожнай з намінацый атрымаў дыплом і статуэтку "Залатая Ніка".

У канцэртнай частцы мерапрыемства выступілі выхаванцы раённага цэнтра дзяцей і моладзі, а таксама народны шоу-ансамбль "Забабоны".

t.me/dokshitsyby