02.04.2025

У ККЗ "Іскра" адбылася тэматычная праграма "Разам назаўжды", прысвечаная Дню яднання народаў Беларусі і Расіі

Сярод удзельнікаў - старшыня раённага Савета дэпутатаў Валянціна Рандарэвіч, старшыні сельскіх Саветаў дэпутатаў і дэпутацкі корпус, кіраўнікі арганізацый раёна, моладзь.

А таксама грамадзяне Расіі, якія шмат гадоў пражываюць у Беларусі і для якіх горад Докшыцы стаў другой радзімай.

Вядучыя мерапрыемства яшчэ раз нагадалі аб шматгадовым сяброўстве Докшыц з гарадамі-пабрацімамі: Дзмітрыевам Курскай вобласці і пасёлкам Палкіна і горадам Пячоры Пскоўскай вобласці. Казалі аб мностве сумесных мерапрыемстваў і міжнародных конкурсах і фестывалях, сярод актыўных удзельнікаў якіх творчыя калектывы Докшыччыны.

Упрыгожылі праграму маляўнічыя музычныя нумары салістаў Докшыцкага ГЦК.