23.05.2025

У мемарыяльным комплексе "Шунеўка" прайшоў мітынг памяці, прысвечаны 82-й гадавіне трагедыі аднайменнай вёскі

Нямецкія акупанты спалілі Шунеўку разам з жыхарамі на досвітку 22 мая 1943 года падчас правядзення карнай аперацыі "Котбус".

У мітынгу ўзялі ўдзел старшыня Докшыцкага райвыканкама Сяргей Абірала, старшыня раённага Савета дэпутатаў Валянціна Рандарэвіч, дэпутат Палаты прадстаўнікоў Нацыянальнага сходу Рэспублікі Беларусь Анатоль Сіўко (https://t.me/SivkoOfficial), прадстаўнікі выканаўчай улады і дэпутацкага корпуса раёна, грамадскіх арганізацый і працоўных калектываў, духавенства, моладзь.

Перад прысутнымі выступілі дэпутат Анатоль Сіўко і намеснік пракурора раёна Надзея Міцько.

Па нявінна забітым здзейснена памінальная літыя.

Прысутныя ўшанавалі памяць ахвяр генацыду хвілінай маўчання і ўсклалі да падножжа помніка "Праклён фашызму" кветкі.

t.me/PRO_Dokshitsy