16.10.2025

У цэнтры ўвагі выканаўчай улады і дэпутацкага корпуса раёна Бярэзінскі сельсавет

Напярэдадні пленарнага пасяджэння старшыня райвыканкама Сяргей Абірала правёў прыём грамадзян у Глінскай сярэдняй школе, старшыня раённага Савета дэпутатаў Валянціна Рандарэвіч выслухала пытанні вяскоўцаў у Бярэзінскім сельвыканкаме.

Дэпутат абласнога Савета дэпутатаў Дзмітрый Каляга правёў прыём грамадзян у вёсцы Ліпск.

Беразінцы выказалі словы падзякі работнікам бібліятэкі-клуба, а таксама атрымалі запэўненне ў тым, што ўстановы культуры і аховы здароўя ў гэтым населеным пункце працягнуць сваю работу.

Сярод агучаных пытанні, якія тычацца падсыпкі дарогі, асвятлення вуліц, уцягвання зямель у гаспадарчы абарот, асартыментнага пераліку і захавання графіка работы аўтамагазіна і іншыя.

Таксама абмеркавалі работу мясцовага Савета дэпутатаў па вырашэнні пытанняў жыццезабеспячэння насельніцтва, выкананне зямельнага і прыродаахоўнага заканадаўства.

t.me/PRO_Dokshitsy