11.09.2025

Усе экіпажы камбайна ААТ "Таргуны" Докшыцкага раёна намалацілі па тысячы і больш тон збожжа

Усе экіпажы камбайна ААТ "Таргуны" Докшыцкага раёна намалацілі па тысячы і больш тон збожжа.

Па дзве тысячы тон на рахунку старэйшых камбайнераў ордэнаносца Вячаслава Аніковіча, Юрыя Малюжанца, Сяргея Ралаўца і старэйшага камбайнера маладзёжнага экіпажа Аляксандра Труса. Ударна папрацавалі і аператары зернесушыльнага комплексу Вадзім Дзмітрычэнка, Міхаіл Сіўцэвіч і Васіль Вайцяховіч, высушыўшы 11 339,85 тоны збожжа і 3597,2 тоны масласямян рапсу. Абсалютны рэкорд, і не толькі ў раёне, але і ў вобласці, у маладога вадзіцеля Аляксандра Маскалёнка, які перавёз больш за пяць з паловай тысячы тон збожжа.

Ужо не першае дзесяцігоддзе перадавым сельгаспрадпрыемствам у Докшыцкім раёне з'яўляецца ААТ "Таргуны". Вялікая ўвага ў гаспадарцы надаецца прасоўванню перадавых тэхналогій як у жывёлагадоўлі, так і ў раслінаводстве, апрабацыі новых гатункаў і гібрыдаў, павелічэнню пасяўных плошчаў.

Уборачная кампанія гэтага года, якая, нягледзячы на неспрыяльныя ўмовы надвор'я, завершана ў аптымальныя тэрміны, стала для працаўнікоў гэтай арганізацыі яшчэ адным паспяховым этапам у іх высакароднай справе, пра што найбольш красамоўна кажуць лічбы. Ураджайнасць пшаніцы гатунку "маркіза" склала 62 ц/га, азімага рапсу на вопытным участку – 34 ц/га, гароху гатунку "астранаўт" – 28, 5 ц/га. Пасеяная больш чым на трохстах гектарах па выпрабаванай у гэтым годзе тэхналогіі "ноўцiл" жыта дала ўраджайнасць 44-48 ц/га. Па гэтай тэхналогіі засеяна прыкладна 10 працэнтаў плошчаў, у будучым годзе плануецца павялічыць іх да 20-30 працэнтаў. Пасля ўжывання амінакіслот на палях з пшаніцай сабралі збожжа гэтай культуры на 3-4 ц/га больш, чым у папярэднія гады.

Галоўны фактар поспеху ў любой справе, вядома ж, чалавечы. Найбольш яркі паказчык самаадданай працы таргуноўскіх аграрыяў - дасягненне намалоту ў тысячу і больш тон усімі адзінаццаццю экіпажамі камбайна, якія працуюць на ўборачнай. Сямёра вадзіцеляў былі занятыя на адвозцы, працавалі з мінімальнымі перапынкамі на адпачынак і сон. На рахунку ў кожнага амаль па дзве тысячы тон перавезенага збожжа, у Мікіты Ярмаковіча - дзве з паловай, ва Уладзіміра Скарукова - больш за тры. На вышыні і агранамічная служба сельгасарганізацыі.

Зараз працаўнікі ААТ "Таргуны" прыступаюць да ўборкі кукурузы на сілас - яе ўраджайнасць, думаецца, таксама апраўдае чаканні.

dokshitsy.by