Сёння члены Савета Рэспублікі ў рамках пасяджэння Савета па ўзаемадзеянні органаў мясцовага самакіравання пры Савеце Рэспублікі Нацыянальнага сходу Рэспублікі Беларусь наведваюць Докшыцкі раён Віцебскай вобласці.

Парадак дня рабочай паездкі ў Докшыцкі раён насычаны:

▪ наведванне філіяла ААТ «Віцебскхлебпрам» «Докшыцкі хлебазавод»;

▪ азнаямленне з умовамі пражывання насельніцтва в. Свіркі Параф'янаўскага сельсавета;

▪ наведванне ДУА «Параф'янаўская сярэдняя школа Докшыцкага раёна»;

▪ пасяджэнне Савета па ўзаемадзеянні органаў мясцовага самакіравання пры Савеце Рэспублікі Нацыянальнага сходу Рэспублікі Беларусь у Докшыцкім райвыканкаме;

▪ ускладанне кветак на мемарыяльным комплексе «Шунеўка».

  Першым аб'ектам, які наведалі члены Савета Рэспублікі, стаў Докшыцкі хлебазавод.

  Докшыцкі хлебазавод з'яўляецца філіялам ААТ "Віцебскхлебпрам" і больш за 40 гадоў паспяхова функцыянуе ў сферы хлебабулачнай вытворчасці.

Сёння хлебазавод выпускае больш за 35 відаў хлябоў, больш за 10 здобнай прадукцыі, а таксама кандытарскія вырабы і кукурузныя палачкі. За суткі прадпрыемства выпускае да 6,5 тон прадукцыі. На Менск штодня адгружаецца каля 2 - 2,5 тоны, у год 60 тон. У маі плануецца выпуск новага хлеба Гурман — збожжавай з дабаўленнем паркоўкі. На заводзе працуе 100 чалавек.

♦ Завод поўнасцю выконвае патрабаванні гандлёвых арганізацый і пакупнікоў.

У ходзе наведвання в. Свіркі Параф'янаўскага сельсавета ўдзельнікам мерапрыемства была прадстаўлена інфармацыя аб практычнай рэалізацыі норм Указа Прэзідэнта Рэспублікі Беларусь ад 24 сакавіка 2021 г. № 116 "Аб адчужэнні жылых дамоў у сельскай мясцовасці і ўдасканаленні работы з пустымі дамамі" на тэрыторыі сельсавета.

У населеным пункце 34 дамы, у 19 з якіх пражываюць пастаянна, у 5 - сезонна.

Члены Савета Рэспублікі на чале са Старшынёй Савета Рэспублікі Наталляй Качанавай наведалі ДУА "Параф'янаўская сярэдняя школа Докшыцкага раёна", дзе азнаёміліся з арганізацыяй працоўнага выхавання навучэнцаў, вядзеннем падсобнай гаспадаркі і працай дэндрапарку.

Таксама школьнікі пазнаёмілі парламентарыяў з рэспубліканскім праектам "Школьны сад", які рэалізуецца з мэтай развіцця сельскагаспадарчага прадпрымальніцтва.

Крыніца: https://www.dokshitsy.by/2022/05/vyezdnoe-zasedanie-soveta-po-vzaimodejstviyu/