04.11.2025

Кірмаш мэтавай падрыхтоўкі для вучняў 9-11-ых класаў прайшоў у г. Докшыцы

4 лістапада 2025 года для навучэнцаў 9-11-ых класаў ДУА "Сярэдняя школа №1 г. Докшыцы імя I. С. Палявога", ДУА "Сярэдняя школа №2 г. Докшыцы імя У. Ф. Крышталевіч" прайшоў чарговы кірмаш мэтавай падрыхтоўкі.

Пра тое, спецыялісты якіх прафесій запатрабаваныя на рынку працы ў Докшыцкім раёне, распавяла намеснік начальніка ўпраўлення па працы, занятасці і сацыяльнай абароне Докшыцкага райвыканкама Модзель Т.М. Выкладчыкі навучальных устаноў БНТУ, БДПУ, Пастаўскага каледжа, каледжа чыгуначнага транспарту імя Я.П. Юшкевіча спыніліся на патрабаваннях і магчымасцях паступлення ў навучальныя ўстановы. Прадстаўнікі арганізацый і прадпрыемстваў раёна распавялі пра спецыфіку сваёй работы. З заклікам да далучэння моладзі да студатрадаўскага руху звярнулася першы сакратар РК ГА "БРСМ" Наровіч В.С.