13.03.2025

Жанчына загінула на пажары ў вёсцы Кромавічы Бярозкаўскага сельсавета

12 сакавіка ў 23:49 ратавальнікам паступіла паведамленне аб пажары дома ў вёсцы Кромавічы. На момант прыбыцця работнікаў МНС назіралася адкрытае гарэнне дома.

Гаспадар 1967 года нараджэння пакінуў хату самастойна, не пацярпеў.

У 00:50 работнікамі МНС у жылым пакоі на падлозе было знойдзена цела 55-гадовай жонкі гаспадара дома.

Прычына пажару высвятляецца. Адна з разглядаемых версій - неасцярожнае абыходжанне з агнём пры курэнні ў стане алкагольнага ап'янення.

МНС нагадвае:

• забаронена курыць у ложку ці іншым месцы для сну;
• дбайна тушыце недакуркі і складайце іх у бляшаны слоік, напоўнены вадой;
• не кідайце недакуркі з балконаў ці вокнаў;
• усталюеце ў доме аўтаномны пажарны апавяшчальнік. Гучным гукавым сігналам ён паведаміць аб пачынаючымся ўзгаранні і выратуе ваша жыццё.

У выпадку пажару ці іншай надзвычайнай сітуацыі, тэлефануйце ратавальнікам па нумары 101 ці 112.