10.10.2023

Беларускі тэнісіст Ягор Герасімаў выйшаў у фінал кваліфікацыі турніру ў Кітаі

Беларускі тэнісіст Ягор Герасімаў (503-і нумар рэйтынгу АТР) перамог у стартавым матчы турніру ў кітайскім Шэньчжэне з прызавым фондам $139 тыс., паведамляе карэспандэнт БЕЛТА.

 Сёння ў першым кваліфікацыйным раўндзе беларус абыграў кітайскага тэнісіста Ліньянг Сяа (780) - 6:4, 6:2. У вырашальным паядынку за выхад у асноўную сетку сапернікам Ягора Герасімава будзе яшчэ адзін кітайскі тэнісіст Фацзін Сунь (407).

 Заўтра дзве беларускія тэнісісткі пачнуць выступленне на жаночым турніры катэгорыі WTA-250 у Ганконгу з прызавым фондам $259,3 тыс. Вікторыя Азаранка (19) сустрэнецца з прадстаўніцай Канады Лейлай Фернандэс (60), а першай саперніцай Аляксандры Сасновіч (89) будзе бразільянка Беатрыс Хадад Мая (20). У парным разрадзе Сасновіч выступіць разам з прадстаўніцай Грузіі Аксанай Калашнікавай, а беларуска Лідзія Марозава будзе гуляць у тандэме з польскай тэнісісткай Катажынай Пітэр.