03.08.2022

Беларускія сінхраністкі выйгралі пяць медалёў у апошні дзень "Гульняў Дружбы"

2 жніўня, Мінск. У Казані завяршыліся міжнародныя спаборніцтвы па сінхронным плаванні, якія прайшлі ў рамках першага этапу турніру "Гульні Дружбы", паведамляе карэспандэнт.

У заключны дзень спаборніцтваў спартсменкі з Беларусі заваявалі пяць узнагарод. У адвольнай праграме сярод дуэтаў другі рэзультат паказалі Васіліна Хандошка і Дар'я Кулагіна. Напярэдадні нашы дзяўчаты таксама заваявалі серабро ў тэхнічнай праграме, абодва залатыя медалі дасталіся расійскай пары Варвара Субоціна - Святлана Калеснічэнка.

У адвольнай праграме сярод дуэтаў у юніёрак другое месца занялі беларускі Моніка Вашкевіч і Настасся Бернат, трэцюю суму набрала яшчэ адна беларуская пара Ксенія Лебедзева - Валерыя Шыманская. У спаборніцтвах груп у адвольнай праграме ў сеньёрак каманда Беларусі выйграла бронзу, у аналагічнай дысцыпліне ў юніёрак зборная нашай краіны стала другой.