26.08.2026

Каля 93% шматдзетных сем'яў ужо атрымалі матэрыяльную дапамогу на падрыхтоўку дзяцей да навучальнага года

Аднаразовую матэрыяльную дапамогу на падрыхтоўку дзяцей да новага навучальнага года ўжо атрымалі каля 93% шматдзетных сем’яў, паведамілі БЕЛТА ў прэс-службе Міністэрства працы і сацыяльнай абароны.

Памер аднаразовай матэрыяльнай дапамогі складае 159,11 рубля на кожнага школьніка ў сям’і. Ва ўсіх рэгіёнах краіны яе ўжо атрымалі больш за 104 тыс. шматдзетных сем’яў на 210 тыс. дзяцей. Агульная сума выплат склала 33,4 млн рублёў.

У Мінпрацы нагадалі, што падтрымка сем’яў з дзецьмі-школьнікамі таксама аказваецца праз прадастаўленне дзяржаўнай адраснай сацыяльнай дапамогі. Яе ўжо атрымалі амаль 1 тыс. сем’яў на 3 тыс. дзяцей на суму 2,2 млн рублёў.

Акрамя таго, работнікам, якія выхоўваюць дзяцей-школьнікаў, дапамога можа быць аказана па месцы працы ў адпаведнасці з калектыўнымі дагаворамі, лакальнымі актамі наймальніка. Таксама ў ліпені—жніўні па ўсёй краіне праходзяць дабрачынныя акцыі, арганізаваныя тэрытарыяльнымі цэнтрамі сацыяльнага абслугоўвання насельніцтва, фондамі і грамадскімі аб’яднаннямі, напрыклад «Школьны ранец», «Збяры дзіця ў школу», «У школу з усмешкай», «Партфель першакласніка».