25.08.2023

Міністр замежных спраў Беларусі і Прэзідэнт Бразіліі абмяняліся думкамі па пытаннях бяспекі

 На палях саміту БРІКС 24 жніўня міністр замежных спраў Рэспублікі Беларусь Сяргей Алейнік сустрэўся з Прэзідэнтам Бразіліі Луісам Лула да Сілвай. Аб гэтым карэспандэнту БЕЛТА расказалі ў беларускім знешнепалітычным ведамстве.

"У аснове размовы - калійныя ўгнаенні і харчовая бяспека, - гаворыцца ў паведамленні Міністэрства замежных спраў Беларусі. - Акрамя таго, адбыўся абмен думкамі па іншых пытаннях".

У МЗС таксама адзначылі: "Адноўлена запрашэнне наведаць з візітам Беларусь".