15.12.2022

Нарматывы расходаў на навучанне ў школах і дзіцячых садах павялічацца ў 2023 годзе

Нарматывы расходаў на навучанне ў школах і дзіцячых садах павялічацца ў 2023 годзе. Гэта прадугледжана пастановай Савета Міністраў ад 9 снежня 2022 года нумар 861, афіцыйна апублікаванай на Нацыянальным прававым інтэрнэт-партале, паведамляе БЕЛТА.

Згодна з дакументам, нарматыў расходаў на навучанне і выхаванне аднаго вучня на 2023 год ва ўстановах агульнай сярэдняй адукацыі, размешчаных у гарадах і пасёлках гарадскога тыпу, складзе Br2645,16 у год (раней - Br2257,07), у сельскіх населеных пунктах - Br6058,42 у год (раней - Br5154,79).

Акрамя таго, вырасце норма фінансавання для дзіцячых садоў з Br2723,84 у год на дзіця да Br3277,61, у сельскіх дзіцячых садах - да Br4368,29.