16.12.2025

Рэнтабельнасць рэалізаванай прадукцыі і паслуг за студзень-кастрычнік у Беларусі склала 8,4 працэнта

У Беларусі за студзень-кастрычнік 2025 года рэнтабельнасць рэалізаванай прадукцыі, работ, паслуг склала 8,4 працэнта, рэнтабельнасць продажаў - 6,9 працэнта. Такія даныя прыводзіць Нацыянальны статыстычны камітэт, паведамляе БЕЛТА.

Дэбіторская запазычанасць на 1 лістапада 2025 года склала Br99,1 млрд, у тым ліку пратэрмінаваная - Br11,3 млрд, або 11,5 працэнта ад агульнага аб'ёму дэбіторскай запазычанасці.

Крэдыторская запазычанасць на 1 лістапада 2025 года склала Br117 млрд, у тым ліку пратэрмінаваная - Br12,5 млрд, або 10,7 працэнта ад агульнага аб'ёму крэдыторскай запазычанасці.

Даныя прадстаўлены без банкаў, нябанкаўскіх крэдытна-фінансавых арганізацый, страхавых арганізацый, бюджэтных арганізацый, арганізацый без ведамаснай падпарадкаванасці з сярэдняй колькасцю работнікаў за папярэдні год менш за 50 чалавек (за выключэннем арганізацый, якія з'яўляюцца ўдзельнікамі холдынгаў).

БелТА