04.01.2020

Стаўкі акцызаў на алкаголь, цыгарэты і аўтамабільнае паліва павялічаны ў Беларусі

Стаўкі акцызаў на алкаголь, цыгарэты і аўтамабільнае паліва павялічаны ў Беларусі з 1 студзеня. Такая інфармацыя размешчана на сайце Міністэрства фінансаў, паведамляе БЕЛТА.

Стаўка акцызаў на спірт этылавы складзе Br5,01 за 1 л бязводнага спірту, на спірт этылавы рэктыфікаваны тэхнічны - 4 капейкі.

На алкагольную прадукцыю з аб'ёмнай доляй этылавага спірту 7 працэнтаў і больш (за выключэннем спірту, він пладовых мацаваных марачных, палепшанай якасці і спецыяльнай тэхналогіі, він фруктова-ягадных натуральных, він натуральных, у тым ліку пеністых, шампанскіх, газіраваных і шыпучых, сідру, піва і піўнога кактэйлю, спіртазмяшчальнай прадукцыі) стаўкі акцызаў устаноўлены ў памеры Br14,88 за 1 л бязводнага спірту, што змешчаны ў гатовай прадукцыі.

Да Br96 за 1 кг павышаны акцызы на трубачны і курыльны тытунь. На цыгарэты з фільтрам у залежнасці ад рознічнай цаны акцызы складуць ад Br24,9 да Br71,97 за 1 тыс. штук, без фільтра - Br19,16.

Стаўкі акцызаў на аўтамабільнае паліва класа 5 - Br298,59 за 1 т, неадпаведнае класу 5 - Br481,08, дызельнае паліва класа 5 - Br184,33, неадпаведнае класу 5 - Br233,05.