02.03.2026

Сустрэча з губернатарам Мурманскай вобласці Расіі Андрэем Чыбісам

Прэзідэнт Беларусі Аляксандр Лукашэнка 2 сакавіка сустрэўся з губернатарам Мурманскай вобласці Расіі Андрэем Чыбісам.

"Мы з Мурманскай вобласцю гатовы працаваць так, як гатова да гэтага Мурманская вобласць. Мы вас не лічым далёкім арктычным рэгіёнам, хоць ён арктычны, але не далёкі для нас. Мы гатовы з вамі будаваць адносіны не толькі на падставе паставак нашай прадукцыі ў ваш край, хоць гэта таксама важна, але і гатовы ствараць сумесныя прадпрыемствы, каб атрымліваць выгады".

Кіраўнік дзяржавы, гаворачы аб супрацоўніцтве з Мурманскай вобласцю, назваў такія напрамкі, як пасажырская і спецыяльная тэхніка, прадукты харчавання, сельская гаспадарка, ліфты. "Мы гатовы па ўсіх гэтых напрамках з вамі супрацоўнічаць. Тым больш вельмі інтэнсіўна працуем над тым, каб адысці ад усяго імпартнага заходняга - з тых краін, якія ўвялі супраць нас санкцыі. Мы паспяхова гэта практычна зрабілі. Датычыцца перш за ўсё прамысловасці па некаторых камплектуючых, вузлах. У гэтай частцы вы можаце разлічваць на Беларусь", - запэўніў беларускі лідэр.

"Давайце рухацца наперад, але самае галоўнае - бачыць сваю цікавасць. Вы бачыце, як развіваюцца падзеі ў свеце. Трэба абараняць сваю зямлю, сваіх людзей і бачыць перш за ўсё сваю цікавасць. На любой сустрэчы з кіраўніцтвам Расіі я выказваю гэту пазіцыю, арыентую іх на тое, што нам трэба пазбавіцца ад нейкай залежнасці ад іншых краін, асабліва".

Прэзідэнт у сувязі з гэтым адзначыў, што заўсёды аддае перавагу прадукцыі ўласнай вытворчасці, а не імпартным таварам. "Імпартнае можа быць недзе ўзроўнем вышэй, але гэта чужое. Калі раптам нешта, гэта трэба за трыдзевяць зямель шукаць, і не ўсё так проста. А тут, у сябе... Беларусь для Расіі не чужая. Гэта сваё. У любы момант мы можам паставіць любую дэталь, якая выйшла са строю ў нашай тэхніцы, можам паставіць патрэбную колькасць адзення, прадуктаў. ведаю, вырашаеце любыя праблемы. Вы ведаеце, чым багатая Беларусь, чым яна можа дапамагчы рэгіёнам Расіі.

Прэзідэнт Беларусі таксама звярнуў увагу на з'яўленне такога статусу, як "тавар Саюзнай дзяржавы". Гэты знак прысвойваецца прадукцыі, пры вытворчасці якой выкарыстоўваецца не менш за палову матэрыялаў і камплектуючых з Беларусі і Расіі. У гэтым напрамку трэба рухацца і не ствараць дадатковых бар'ераў", - падкрэсліў Кіраўнік дзяржавы.

Аляксандр Лукашэнка выказаў упэўненасць, што Беларусь і Расія ідуць да адзінай мэты і ведаюць, чаго хочуць: "Мы абавязкова даб'емся сваіх мэт, паколькі гэта інтарэсы нашых народаў - расіян і беларусаў. Я вельмі прасіў бы, Андрэй Уладзіміравіч, каб Вы зыходзілі з гэтага. Чалавек Вы хоць малады, але дасведчаны. інтэнсіўнае супрацоўніцтва паміж вашым рэгіёнам і Беларуссю".

Прэзідэнт адзначыў агульнасць гістарычнага мінулага Беларусі і Мурманскай вобласці, у тым ліку іх ролю ў перыяд Вялікай Айчыннай вайны. Узгадвалася, што ў тыя гады на тэрыторыі паўночнага расійскага рэгіёна ваяваў класік беларускай літаратуры Іван Шамякін. "Гэта сведчыць аб тым, што ў нас ёсць і былі людзі, якія звязваюць нас. І вельмі моцна", - заўважыў Аляксандр Лукашэнка.

Кіраўнік дзяржавы таксама звярнуў увагу на значную ролю Мурманска, які ў гады Вялікай Айчыннай вайны стаў варотамі па абароне агульнай Айчыны, Савецкага Саюза. Праз яго ажыццяўляліся пастаўкі неабходнага абсталявання і вайсковай тэхнікі. "У тым ліку і дзякуючы гэтаму Мурманск пакрыў сябе неўвядальнай славай. Загінула там нямала людзей. Але дастойна змагаліся паўночнікі, каб прывесці нас да той Перамогі, якую святкавалі ў маі 1945-га", - сказаў беларускі лідэр.

"Гэтак жа, як Беларусь, вы ад гэтай вайны пацярпелі, пацярпелі. І гэта наша агульная Перамога. Мы яе павінны бачыць, шанаваць. Ні ў якім разе не выкідваць яе кудысьці за борт", - падкрэсліў Кіраўнік дзяржавы.

"Я, калі чую некаторыя выпады балтыйскіх дзяржаў, Украіны ў плане тое разбурыць, гэта разбурыць, і Айчынная вайна - гэта не тое, што для нас, па-зямному думаю: навошта вы вялікую годнасць свайго народа выкідваеце на памыйніцу? - рытарычна спытаў Аляксандр Лукашэнка. - Вы навошта гэта робіце?"

Прэзідэнт таксама адзначыў агульнасць і блізкасць Беларусі з расійскім рэгіёнам у нядаўнім мінулым, у часы існавання Савецкага Саюза. "Мы ўвогуле не дзялілі Мурманскую вобласць з Беларуссю, асабліва што да ваенна-марскога флоту. Як на Балтыцы, так і ў вас служылі нашы хлопцы з Беларусі. І яны ганарацца гэтым", - дадаў Кіраўнік дзяржавы.

У сваю чаргу Андрэй Чыбіс падзякаваў за магчымасць сустрэчы, якая праходзіць пасля вялікай падзеі, прысвечанай якраз развіццю Саюзнай дзяржавы. Асобныя словы падзякі ён выказаў за ўзгадванне важнай ролі Мурманска і вобласці падчас Вялікай Айчыннай вайны. "Сапраўды, горад заўсёды меў - з моманту свайго з'яўлення ў пачатку ХХ стагоддзя і цяпер мае важнае стратэгічнае значэнне. У час Вялікай Айчыннай вайны дзякуючы паўночным канвоям нам удалося наблізіць агульную Перамогу, памяць аб якой шануюць і ў Расіі, і ў Беларусі. Вялікі вам за гэта дзякуй", - сказаў кіраўнік рэгіёну.

"Сёння з улікам таго, што адбываецца ў свеце, горад Мурманск – глыбакаводны незамярзальны порт, апорны порт Паўночнага марскога шляху – набывае яшчэ большае значэнне і для нашай краіны, і для нашых партнёраў, для нашых сяброў", – падкрэсліў ён.