14.11.2025

У Беларусі падпісана пастанова аб Нацыянальным агенцтве па турызме

Прэм'ер-міністр Аляксандр Турчын падпісаў пастанову аб Нацыянальным агенцтве па турызме. Аб гэтым БЕЛТА паведамілі ў прэс-службе ўрада.

Дакумент прадугледжвае зацвярджэнне статута Нацыянальнага агенцтва па турызме, якое з 1 студзеня 2026 года пераходзіць у падпарадкаванне ўраду ў адпаведнасці з указам ад 10 верасня 2025 г. нумар 329 "Аб удасканаленні дзяржаўнага кіравання ў сферы турызму".

Сярод асноўных навацый: замацаванне за новым рэгулятарам у сферы турызму паўнамоцтваў па дзяржаўным рэгуляванні і правядзенні адзінай дзяржаўнай палітыкі ў сферы турызму. А таксама пераарыентацыя мэт і задач агенцтва на эканамічныя, накіраваныя ў першую чаргу на павышэнне ўкладу сферы турызму ў рост эканомікі, пашырэнне інвестыцыйных прапаноў для развіцця туріндустрыі, паляпшэнне якасці турыстычных паслуг. Акрамя таго - удзел у рэалізацыі праектаў дзяржаўна-прыватнага партнёрства, права на ажыццяўленне прадпрымальніцкай дзейнасці, неабходнай для забеспячэння статутных мэт і ўзаемадзеянне з новай вертыкаллю кіравання ў сферы турызму.

БелТА