21.09.2022

У Мінску стартаваў чэмпіянат Беларусі па фехтаванні

20 верасня, Мінск. На базе сталічнай "Чыжоўка-Арэны" стартаваў чэмпіянат Рэспублікі Беларусь па фехтаванні, паведамляе карэспандэнт.

Удзел у турніры прымаюць мацнейшыя фехтавальшчыкі з усіх рэгіёнаў краіны і горада Мінска. У першы дзень спаборніцтваў былі разыграны медалі ў асабістым заліку сярод шпажыстаў. Пераможцам мужчынскага турніру стаў прадстаўнік Мінскай вобласці Максім Марук, які перамог у фінале Сяргея Ладошкіна з Магілёўскага рэгіёна. Бронзавыя медалі заваявалі Аляксей Хурс (г. Мінск) і Дзмітрый Рыкуноў (Гродзенская вобл.).

Чэмпіёнкай краіны сярод шпажыстак стала спартсменка з Гомельскай вобласці Кацярына Пашарнёва, серабро дасталася Ксеніі Тамашэўскай, якая прадстаўляе Міншчыну. На трэцюю прыступку п'едэстала ўзышлі Міхаліна Грынкевіч (Мінская вобл.) і Ірына Прасянцова (Гомельская вобл.).

У сераду на чэмпіянаце Беларусі па фехтаванні вызначацца пераможцы і прызёры камандных спаборніцтваў у мужчынскай і жаночай шпазе. Усяго на турніры будуць разыграны 12 камплектаў узнагарод - па 4 у кожным відзе зброі.