14.02.2022

Замежныя інвестары ў 2021 годзе ўклалі ў эканоміку Беларусі $8,7 млрд

Замежныя інвестары ў 2021 годзе ўклалі ў рэальны сектар эканомікі Беларусі $8,7 млрд інвестыцый, паведамілі БЕЛТА ў Нацыянальным статыстычным камітэце.

Асноўнымі інвестарамі арганізацый краіны былі суб'екты гаспадарання Расіі (42,6 працэнта ад усіх інвестыцый, якія паступілі), Украіны (15,2 працэнта) і Кіпра (13,9 працэнта). Прамыя замежныя інвестыцыі склалі $6,6 млрд, або 75,4 працэнта ад усіх замежных інвестыцый.

Арганізацыі краіны за 2021 год накіравалі за мяжу інвестыцый на суму $5,9 млрд. Значныя аб'ёмы інвестыцый былі накіраваны суб'ектам гаспадарання Расіі (80,1 працэнта ад усіх накіраваных інвестыцый), Украіны (4,9 працэнта) і Кіпра (2,4 працэнта). На долю прамых інвестыцый прыпадала 93,7 працэнта ўсіх накіраваных інвестыцый за мяжу.

БелТА