05.11.2019

Зарплаты бюджэтнікаў у 2020 годзе могуць вырасці на 10-11 працэнтаў

Праектам бюджэту на 2020 год прадугледжваецца рост зарплат работнікаў бюджэтнай сферы на 10-11 працэнтаў. Аб гэтым паведаміла журналістам старшыня Пастаяннай камісіі па бюджэце і фінансах Палаты прадстаўнікоў Людміла Дабрыніна перад пашыраным пасяджэннем камісіі, на якім абмяркоўваецца пакет бюджэтных законапраектаў на 2020 год, перадае карэспандэнт БЕЛТА.

Паводле слоў дэпутата, адной з прыярытэтных задач бюджэту на будучы год з'яўляецца забеспячэнне суадносін заработнай платы бюджэтнікаў і заработнай платы па эканоміцы ў цэлым не ніжэй за 80 працэнтаў.

Асігнаванні рэспубліканскага бюджэту на 2020 год на аплату працы і ўзносы на сацыяльнае страхаванне ў бюджэтным сектары плануюцца ў памеры Br4,6 млрд, адзначыла Людміла Дабрыніна.

НАВIНЫ БЕЛАРУСI