09.01.2020

Золатавалютныя рэзервы Беларусі па выніках 2019 года выраслі на 31,2 працэнта да $9,4 млрд

Міжнародныя рэзервовыя актывы Беларусі на 1 студзеня 2020 года, паводле папярэдніх даных, склалі $9 млрд 393,5 млн (у эквіваленце), паведамілі БЕЛТА ва ўпраўленні інфармацыі і грамадскіх сувязей Нацыянальнага банка.

Згодна з Асноўнымі напрамкамі грашова-крэдытнай палітыкі на 2019 год аб'ём міжнародных рэзервовых актываў на 1 студзеня 2020 года павінен быў скласці не менш як $7,1 млрд.

У цэлым па выніках 2019 года міжнародныя рэзервовыя актывы павялічыліся на $2,2 млрд (на 31,2 працэнта), у тым ліку за снежань - на $234,7 млн (на 2,6 працэнта).

Золатавалютныя рэзервы ў 2019 годзе папаўняліся ў асноўным за кошт куплі Нацыянальным банкам замежнай валюты на таргах Беларускай валютна-фондавай біржы, паступлення ў бюджэт падаткаў, пошлін і іншых плацяжоў у замежнай валюце, а таксама эмісіі Міністэрствам фінансаў і Нацбанкам аблігацый, намініраваных у замежнай валюце.

Пры гэтым урадам і Нацыянальным банкам за 2019 год выканана знешніх і ўнутраных абавязацельстваў у замежнай валюце на суму каля $4,2 млрд, у тым ліку ў снежні каля $355 млн.

У адпаведнасці з Асноўнымі напрамкамі грашова-крэдытнай палітыкі на 2020 год аб'ём міжнародных рэзервовых актываў на 1 студзеня 2021 года з улікам пагашэння ўрадам і Нацыянальным банкам унутраных і знешніх абавязацельстваў у замежнай валюце павінен скласці не менш як $7,3 млрд.